Сўнгги янгиликлар
Янгиликлар
Ўзбекистон Республикаси Фавқулодда вазиятлар вазирининг буйруғи билан Ахматжонов Аъзамжон Маматжанович Косонсой туман фавқулодда вазиятлар бўлими бошлиғи вазифасида иш бошлади.
А.Ахматжонов 1980 йилда Уйчи туманида туғилган. Маълумоти олий, Ўзбекистон Республикаси ИИВ Ёнғин хавфсизлиги олий техник мактабини тамомлаган.
Тайинловга қадар Уйчи туман фавқулодда вазиятлар бўлими бошлиғи вазифасида ишлаб келаётган эди.
Бугун, Ўзбекистон Республикаси Президенти Администрацияси ишчи гуруҳи, вилоят Халқ қабулхонаси вакиллари ҳамда мутасадди ташкилотлар раҳбарлари иштирокида Косонсой тумани 3-сектор ҳудудида жойлашган “Ёшлик” маҳалла фуқаролар йиғинида “Обод хонадон – обод кўча – обод маҳалла” давлат дастури бўйича амалга оширилаётган ишлар кўздан кечирилди.
Хусусан, маҳаллада “хонадонбай” ўрганиш давомида аҳолини қийнаб келаётган муаммолар, аҳолини яшаш тарзи, даромад манбаи, томорқа маданияти, иш билан бандлигига ўрганилиб, аҳоли учун шарт-шароит яратиш, маҳалла инфратузилмасини яхшилаш каби масалаларга эътибор қаратилди.
Ишчи гуруҳ вакиллари аҳолига қулайликлар яратиш мақсадида қурилиши режалаштирилаётган қурилиш манзили ва лойиҳалари билан танишишди.
Шунингдек, мазкур маҳаллада амалга оширилиши керак бўлган ишлар юзасидан мутасаддиларга тегишли топшириқ ва кўрсатмаларни берилди.
14 январь - Ватан ҳимоячилари куни муносабати билан Косонсой туман спорт мактаби мураббийи, тажрибали ва кўплаб йигит ва қизлар устози Ғайбуллаев Фарҳодхон Зиёвиддинович Ўзбекистон Республикаси Президентининг 2021 йил 3 мартдаги 5012-сонли қарорига асосан таъсис этилган "Куч адолатда" халқаро кўкрак нишони билан тақдирланди.
Фарҳодхон Ғайбуллаев 1973 йил Косонсой тумани туғилган. 1997-2006 йилларда Косонсой туман спорт мактабларида раҳбарлик қилган. 30 йиллик меҳнат стажига эга. Спорт соҳасида самарали иш ташкил этганлиги ва ташаббускорлиги туфайли шогирдлари республика ва халқаро миқёсдаги мусобақаларда муваффақиятли иштирок этиб келмоқда.
Биз Фарҳодхон Зиёвиддиновичнинг кейинги фаолиятларида зафарлар тилаб қоламиз.
Маҳалла халқ билан давлат ўртасидаги кўприк бўлиши керак. Одамларнинг қувонч-у ташвишидан доимо хабардор бўлиш маҳалланинг вазифасидир.Ш.Мирзиёев
▫️Мамлакатимизда маҳалларни қўллаб-қувватлаш, уларнинг моддий-техник базасини яхшилаш ҳамда амалий кўмак бериш борасида мутлақо янгича тизим йўлга қўйилмоқда. Давлат раҳбарининг тегишли Фармони ҳамда Қарори асосида маҳаллани қўллаб-қувватлаш кенгашлари ва Ўзбекистон маҳаллалари Уюшмаси ташкил этилмоқда.
Косонсой тумани ҳокимлигининг мажлислар залида айни шу мақсадда ташкилланган тадбирда Косонсой туман ҳокими Дилмурод Қодиров, сектор раҳбарлари, ҳоким ўринбосарлари, Маҳаллани қўллаб-қувватлаш бўйича туман кенгаши аъзолари, ҳамкор ташкилот раҳбарлари, маҳалла раислари, хотин-қизлар фаоллари, ёшлар етакчилари ҳамда оммавий ахборот воситалари ходимлари иштирок этишди.
Йиғилишнинг кун тартибида Ўзбекистон Республикаси Президентининг “Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида”ги ПФ-209-сон Фармони ҳамда “Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида”ги ПҚ-402-сон Қароридан келиб чиқадиган устувор вазифалар, Республика Маънавият ва маърифат кенгашининг кенгайтирилган йиғилишида белгилаб берилган маҳалла тизими фаоллари зиммасидаги устувор вазифалар, Маҳаллани қўллаб-қувватлаш бўйича Наманган вилояти кенгаши ташкилий йиғилишида иштирок этиш учун делегатларни сайлаш тўғрисида масалалар кўриб чиқилди.
Йиғилиш кун тартибига киритилган масалалар юзасидан фаолларнинг фикрлари тингланиб, бир қатор масалалар кўриб чиқилди ҳамда Наманган вилояти кенгаши ташкилий йиғилишида иштирок этиш учун делегатлар сайланди.
Косонсой тумани марказида жойлашган “Баркамол авлод” болалар мактаби истеъдодли, ўз олдига катта мақсадларни қўйган, ижодкор ёшларнинг севимли масканига айланган. 2 минг нафардан ортиқ ўғил-қиз рассомчилик, робототехника, либослар дизайни, мунчоқли безак, ментал арифметика, инглиз тили, шахмат-шашка тўгаракларида бўш вақтларини мазмунли ташкил этиш баробарида билим ва кўникмаларини мустаҳкамлашмоқда.
Барча жойларда бўлгани каби туманда ҳам “Баркамол авлод болалари” фестивали кўтаринки руҳда ўтказилди. Туман мактабларида таҳсил олаётган “Баркамол авлод” болалар мактаби аъзолари 7 та йўналиш бўйича бор маҳоратларини синовдан ўтказдилар. Айниқса, робототехника ва конструкторлик йўналиши бўйича иштирокчилар сони анчагина бўлиб, бу туманда интеллектуал ўғил-қизлар кўплигини намоён этди.
Фестивалда 7 ёшдан 18 ёшгача бўлган “Баркамол авлод” болалар мактаби аъзолари иштирок этишди. Тасвирий санъат, техника ва моделлаштириш, спорт, ҳунармандчилик, хорижий тиллар, ментал арифметика бўйича ҳам беллашиб, энг кучли ўқувчилар сараланди. Ҳар бир йўналиш бўйича ғолиблар белгиланиб, уларга фахрий ёрлиқ, эсдалик совғалари берилди.