Сўнгги янгиликлар
Янгиликлар
Косонсой туманидаги "Жар", "Қорасув", "Ўзбекистон" маҳаллаларида “Янги ҳаёт учун, Янги Ўзбекистон учун!” шиори остида "Маҳаллада дув-дув гап" мавзусида маънавий-маърифий тадбир ташкил этилди.
Тадбирда туман ҳокими ўринбосари А.Шералиев, Республика маънавият ва маърифат маркази туман бўлинмаси раҳбари Д.Исақов, Диний қўмитанинг туман бўйича бош мутахассиси Ш. Бойбобоев, Аббосхон қози жомеъ масжиди имом хатиби Р.Болтабоев, "Тарғибот" гуруҳи аъзоси Б.Ҳасановлар иштирок этдилар.
Тадбирда сўз олганлар буюк истиқлолимизнинг халқимиз, айниқса, ёш авлод қалбида Ватанга муҳаббат ва садоқат туйғуларини камол топтириш, юртимизни ҳар томонлама эркин, обод ва фаровон яшаши бу давлат мустақиллигидир, айнан миллий мустақиллик эл-юрт учун жаҳон ҳамжамиятидан муносиб ўрин эгаллаб, ҳуқуқий демократик давлат ва эркин фуқаролик жамиятини қуриш, шу жумладан, ҳаётнинг турли соҳа ва тармоқларида кенг кўламли ислоҳотларни амалга ошириш учун мустаҳкам замин яратиб, эришаётган барча ютуқ ва марраларимизнинг асосий манбаи бўлиб келаётганлиги тўғрисида таъкидладилар, ватан, мустақилликни тараннум этувчи шеър ва қўшиқлар ижро этилди.
O‘zbekiston Respublikasining “Aholini ro‘yxatga olish to‘g‘risida”gi qonuni 2020 yil 16 mart kuni O‘RQ-611-son bilan qabul qilingan.
Aholini ro‘yxatga olish to‘g‘risidagi qonun 5-bob, 31-moddadan iborat bo‘lib, har bir bob, har bir moddalarda aniq mezonlar belgilab berilgan.
1-bob: Umumiy qoidalar bo‘lib 11 moddadan,
2-bob: Aholini ro‘yxatga olish sohasini tartibga solish bo‘lib, 7 moddadan,
3-bob: Respondentlarning hamda ro‘yxatga oluvchi xodimlarning huquq va majburiyatlari bo‘lib, 2 moddadan,
4-bob: Aholini ro‘yxatga olishni o‘tkazish bo‘lib, 6 moddadan,
5-bob: Yakunlovchi qoidalar bo‘lib, 5 moddadan iboratdir.
1-bob 10-moddada “Aholini ro‘yxatga olishning shaxsga doir ma’lumotlari maxfiy bo‘lib, respondentning roziligisiz oshkor etilmaydi va tarqatilmaydi” deb belgilangan.
2-bob 12-moddada “Aholini ro‘yxatga olish sohasini davlat tomonidan tartibga solish O‘zbekiston Respublikasi Vazirlar Mahkamasi, O‘zbekiston Respublikasida aholini ro‘yxatga olishni o‘tkazishga ko‘maklashish bo’yicha respublika komissiyasi, aholini ro‘yxatga olish sohasida maxsus vakolatli davlat organi, shuningdek mahalliy davlat hokimiyati organlari tomonidan o‘z vakolatlariga muvofiq amalga oshiriladi” deb belgilangan.
Respondentlarning huquq va majburiyatlari
Respondentlar o‘zining shaxsga doir ma’lumotlari nima maqsadda yig‘ilayotganligini, ushbu ma’lumotlardan kim va qanday tarzda foydalanishini bilish;
-o‘zi uchun to‘ldirilgan ro‘yxatga olish varaqlari bilan tanishib chiqish, ro‘yxatga olish varaqlariga kiritilgan shaxsga doir ma’lumotlarning to‘liqligi va ishonchliligini aniqlashtirish;
-ro‘yxatga oluvchi xodimlardan tegishli guvohnomani ko‘rsatishini talab qilish, rad etilgan taqdirda esa — ro‘yxatga olish varag‘idagi savollarga javob bermaslik;
-ro‘yxatga olish varag‘ining shakliga binoan shaxsga doir ishonchli ma’lumotlarni taqdim etish huquqiga ega. Respondentlar aholini ro‘yxatga olishni o‘tkazishga monelik qilmasligi shart.
Ro‘yxatga oluvchi xodimlarning huquq va majburiyatlari
-ro‘yxatga olish varag‘iga binoan respondentlardan shaxsga doir ma’lumotlarni olish;
-aholini ro‘yxatga olishga tayyorgarlik ko‘rish va uni o‘tkazish bilan bog‘liq ishlarni bajarganlik uchun mehnatiga haq olish huquqiga ega.
Ro‘yxatga oluvchi xodimlar:
shaxsga doir ma’lumotlarni yig‘ishni boshlashdan oldin respondentga o‘z guvohnomasini ko‘rsatishi;
o‘z vakolatlariga muvofiq ishlarni sifatli va belgilangan muddatlarda bajarishi;
shaxsga doir ma’lumotlarni yig‘ish jarayonida Aholini ro‘yxatga olish dasturida belgilangan savollar ro‘yxatiga rioya etishi, ularning mazmuni buzilishiga yo‘l qo‘ymasligi;
shaxsga doir ma’lumotlarning maxfiyligini ta’minlashi, ularning mazmunini oshkor qilmasligi shart.
2024 йил 1 январдан бошлаб бир қатор ижтимоий тўловлар Ижтимоий ҳимоя миллий агентлиги тасарруфига ўтказилди:
➖ Ёшга оид нафақа;➖ Боқувчисини йўқотганлик нафақаси;➖ Ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган қонуний вакилига нафақа;➖ Болаликдан ногиронлиги бўлган шахсларга нафақа (1 ва 2-гуруҳ, 18 ёшдан катта);➖ 1 ва 2-гуруҳ ногиронлари учун нафақа;➖ Кам таъминланган оилалар учун болалар нафақаси;➖ Кам таъминланган оилаларга моддий ёрдам;➖ Фарзанд туғилганда бериладиган бир марталик нафақа (“Суюнчи пули”);➖ Дафн қилиш учун нафақа (“Дафн пули”) .
Бунда ижтимоий тўловлар учун ариза бериш, уларни кўриб чиқиш, тайинлаш ва тўлашнинг амалдаги тартиби сақлаб қолинади.
Мазкур ижтимоий тўловлар билан боғлиқ барча мурожаатларни туман ёки шаҳарлардаги "Инсон" ижтимоий хизматлар марказлари қабул қилади.
Заҳириддин Муҳаммад Бобур даврида Косон Фарғонадаги мавжуд 8 шаҳарнинг бири бўлган. Бобур бу гўзал шаҳарларнинг жойлашган ўрни борасида “Фарғона вилояти бешинчи иқлимдиндур... Етти пора қасабаси (шаҳри) бор; беши Сайхун суйининг жануб тарафида, Икки шимол жанубида”, деб ёзади. Буюк ватандошимиз шаҳарларнинг ўзига хос хусусиятларига таъриф берар экан, Косон шаҳри ҳақида “Яна бири Косондур, Ахсининг шимолида тушубтур. Кичикроқ қасабадур. Нечукким, Андижон суйи Ўшдан келур, Ахси суйи Косондин келур. Яхши ҳаволиқ ердур. Сафолик боғчалари бор. Вале сафолик боғчалари тамом сой ёқасида воқеъ бўлғон учун, “пўстини пеш барра” деб турлар. Сафо ва ҳавода Ўш била Косон элининг тассуби бор”, деб таъкидлайди.
Айнан мазкур шаҳар Мавлоно Алоуддин Абубакр ибн Масъуди Косоний, Саййид Аҳмад ибн Мавлоно Жалолиддин Маҳдуми Аъзам Косоний каби алломалар, Муҳаммадшариф Узлат Косоний, Муҳаммад Аминхўжа Косоний, Муртазо Косоний сингари таниқли ғазалнавис шоирлар, Муҳаммад ибн Вали каби машҳур тарихчиларнинг ота макони ҳисобланади.
М. Акрамов, Косонсой тарих музейи.
Бугун Наманган вилояти ҳокими Шавкатжон Абдураззоқов бошчилигидаги Ишчи гуруҳи Косонсой туманида бўлиб, мазкур объектда бажариладиган ишлар билан танишди.
📌 1-босқичда: ▫️Косонсой тумани марказий ўйингоҳи бино-иншоотларини реконструкция қилиш объектининг 1-босқичида тендер савдоларига асосан 5 823,586 млн. сўмга «Кушон бинокор қурилиш» хусусий қурилиш корхонаси лойиҳаларини қабул қилган.
Ҳозирда пудратчи томонидан 1 050,0 млн. сўмлик жумладан, объектдаги 2 қаватли меҳмонлар томошогоҳини демонтаж қилиш, эшик деразаларни ўрнатиш, сувоқ ишлари электр кабелларини тортиш ишлари якунланиб, бино ригел калонналарини кучайтириш, ички пардозлаш ишлари бажарилмоқда.
📌 2-босқичда: ▫️Икки қаватли мавжуд маъмурий бино, ётоқхона ва ошхона жойлашган биноларини таъмирлаш, ўриндиқлар ости (под трибуна) ёрдамчи (қозонхона ва омборлар) хоналарини таъмирлаш ва бошқа шу каби ишларга 11 100,0 млн. сўм маблағ ажратилиши кўзда тутилган.
📌 3-босқичда: ▫️ПФЛ талабларига жавоб берадиган футбол майдонини тайёрлаш, суғориш тизимини яхшилаш ҳамда ёпиқ дренаж, замонавий майса экиш ишлари бажарилиш режалаштирилган бўлиб, ушбу ишлар учун тахминий қиймати 5 476,8 млн. сўм маблағ ажратилиши кутилмоқда.
Вилоят раҳбари жараённи тезлатиш юзасидан мутасаддиларга тегишли топшириқлар берди.