Сўнгги янгиликлар
Янгиликлар
Аввало, сиз азизларни маҳалла тизими ходимлари куни билан чин қалбимдан табриклаб, барчангизга ўзимнинг юксак ҳурматим ва самимий тилакларимни билдираман.
▫️Миллий ўзлигимиз тимсоли бўлган маҳаллаларимиз гўзал ва бетакрор Ватанимизда тинчлик ва аҳиллик, ўзаро ҳурмат ва ҳамжиҳатлик маконига айлангани билан албатта барчамиз фахрланамиз.
▫️Биз маҳаллаларимизни янада обод ва фаровон этишда бундан буён ҳам сизларнинг куч-ғайратингиз, бой билим ва тажрибангиз, бунёдкорлик салоҳиятингизга таянамиз. Чунки, Янги Ўзбекистонни барпо этишда биз учун энг муҳим ва асосий пойдевор бу – халқ овози, халқ фикри устувор бўлган маҳалладир.
▫️Маҳалланинг инсон ҳаётидаги ўрни ва аҳамиятини тубдан ошириш мақсадида маҳаллада яратилган еттилик фаолияти йўлга қўйилганлиги, “одамларнинг рози” қилиш тизими яратилганлигидан далолатдир.
▫️Биз туманимиздаги 59 та маҳалла фуқаролар йиғинларининг моддий-техник базасини мустаҳкамлаш, соҳа ходимларини ижтимоий-иқтисодий қўллаб-қувватлашга бундан буён ҳам бор куч ва имкониятларимизни сафарбар этамиз.
▫️Ҳурматли маҳалла тизими ходимлари!
▫️Сиз, азизларни бугунги байрам билан, юртимизда давом этаётган Наврўз айёми ҳамда Рамазон ойи билан чин қалбимдан самимий табриклайман.
Барчангизга мустаҳкам соғлиқ, хонадонларингизга файз-у барака, серқирра ва масъулиятли фаолиятингизда ютуқ ва омадлар тилайман.
Халқ ишончини оқлаш, унга муносиб бўлиш – дунёдаги энг улуғ бахтдир. Шундай бахт, шундай шараф ҳаммангизга насиб этсин!
Дилмурод Қодиров,Косонсой тумани ҳокими
Косонсой тумани ҳокими Дилмурод Қодировнинг туман аҳлига байрам табриги
📌 Ассалому алайкум, азиз юртдошлар!
▫️Қадрли, туманимиз аҳли!
▫️Аввало, Сиз азизларни, сиз орқали барча юртдошларимизни юртимизга қутлуғ қадамлари билан кириб келаётган, баҳор, яшариш ва янгиланиш рамзи, шарқона янги йил Наврўзи олам билан самимий муборакбод этаман!
Халқимиз асрлар давомида одамларни маънан бирлаштирувчи, улар қалбида эзгу фазилатларни янада мустаҳкамловчи, инсонийлик, меҳр-мурувват ғояларини ўзида мужаcсам этган Наврўзни қут-барака ва тўкинчилик байрами сифатида нишонлаб келмоқда.
Бу йилги Наврўз тантаналари юртимизда, «Олам нурга тўлсин сен билан, Наврўз!» деган эзгу шиор остида ўзгача бир руҳда, янгиликларга бой, халқ сайли тарзида ташкил этилмоқда.
Бу йилги айёмнинг муборак Рамазон ойида нишонланаётганлиги ҳам барчамиз учун Яратганнинг яна бир туҳфасидир.
Мана шундай хосиятли, тилаклар ва эзгу амаллар ижобат бўладиган онларда Сизларга, аввало, мустаҳкам саломатлик, оилавий бахт-саодат, шарафли вазифангизда улкан муваффақиятлар ёр бўлишини тилайман.
▫️Осмонимиз мусаффо, юртимиз тинч, халқимиз омон бўлсин!
✅ Наврўз байрами барчамизга муборак бўлсин!
Бугун Косонсой туманида «Олам нурга тўлсин сен билан, Наврўз!» бош ғоя асосида шиори остида миллий анъаналаримиз, Наврўз байрами қадриятларимизни акс эттирувчи сайл ўтказилди.
Сайлда Косонсой туман ҳокимининг ташаббуси билан IT-йўналишига оид стартап-ғоялар, муаммоларга ахборот технологияларини қўллаган ҳолда ечим топиш ҳамда креатив ғояларни аниқлаш бўйича 14 ёшдан 30 ёшгача бўлган фуқаролар ўртасида "Startap loyihalar 2024" танлови ғолиблари тақдирланди.
Тақдирлаш маросимида Наманган вилояти ҳокимининг рақамлаштириш бўйича маслаҳатчиси Бахтиёр Ахунбабаев иштирок этиб, Косонсой туманида ахборот технологияларини ривожлантириш борасида илгари сурилаётган ташаббуслар, бугун улар миқёси тобора кенгаяётгани хусусида фикр билдириб, танлов ғолибларини табриклади.
Стартап лойиҳалар танлови ғолибларига ташаккурнома ва қимматбаҳо совғалар тақдим этилди.
Маълумот учун, танлов веб дастурлаш, мобил дастурлаш, анимация дизайн, ёшларга IT таълим бериш йўналишларида бўлиб ўтди.
Наврўз - яшнаш, яшариш байрами, табиатнинг уйғониши билан боғлиқ янги куннинг бошланишидир. Бутун мамлакатимизда Наврўзий кайфият ҳукмрон, байрам шукуҳи кезиб юрибди.
Бугун, Косонсой тумани марказидаги Ёшлар хиёбонида ҳам байрамга бағишланган «Олам нурга тўлсин сен билан, Наврўз!» шиори остида миллий анъаналаримиз, қадриятларимизни акс эттирувчи сайл ўтказилди.
Байрам шодиёнаси кенг миқёсда нишонланиб, дошқозонларда сумалаклар солинди, паловлар пиширилди, баҳорий таомлар тайёрланди.
Миллий рақслар, баҳорий куй-қўшиқлар куйланди. Бадиий саҳна кўринишлари-ю айтилган шеърлари ажиб хушкайфият ва табассум улашди.
Наврўз тантанасида туман ҳокими Дилмурод Қодиров сўзга чиқиб барчани Наврўз байрами билан табриклади.
Тадбирда Зулфия номидаги давлат мукофоти соҳибаси, Косонсой фарзанди Муҳайё Аҳмаджоновага туман ҳокимлигининг ташаккурномаси ҳамда сўнгги русумдаги ноутбук топширилди.
Туман маданият бўлими томонидан тайёрланган концерт дастуридаги чиқишлар тадбирга файз киритиб, йиғилганларга баҳорий кайфият бахш этди.
Юртимиз бўйлаб халқимиз фаровонлигини юксалтириш йўлида ташаббус ва ибрат кўрсатиб келаётган хотин-қизлар фаолиятини тарғиб этиш мақсадида «Эзгулик – шиоримиз, маърифат – қуролимиз!» шиори остида маданий-маърифий тарғибот тадбирлари ташкил этилмоқда.
Жорий йилнинг 18 март куни Косонсой тумани мактабгача ва мактаб таълими бўлимига қарашли 9-сонли мактабда Ўзбекистон халқаро ислом академияси доценти Б.Бердиев, Ўзбекистонда хизмат кўрсатган артист Т.Маткаримовлар иштирокида маданий-маърифий тарғибот тадбири ташкил этилди.
Мактаб ўқувчиларининг оналари иштирок этган тадбирда мамлакатимизда буюк она сиймосига, мўътабар аёл зотига эътибор кундан кунга ривожланиб, хотин-қизлар учун эркин, обод ва фаровон ҳаёт барпо этиш- давлатимизда энг устувор вазифаси этиб белгиланганлиги алоҳида таъкидланди.