Сўнгги янгиликлар
Янгиликлар
Mazkur jarayon uch bosqichda amalga oshiriladi. Birinchisi, tayyorgarlik bosqichi bo‘lib, uch yilga yaqin vaqt davom etadi. Ikkinchisi, asosiy bosqich bo‘lib, bunda bevosita aholini ro‘yxatga olish amalga oshiriladi, ya’ni aholi to‘g‘risidagi ma’lumotlar yig‘iladi, nazorat tekshiruvi o‘tkaziladi va aholini ro‘yxatga olish materiallari topshiriladi. Bu taxminan ikki oy muddatni tashkil etadi. So‘nggi bosqich qariyb uch yil davom etib, olingan ma’lumotlar kodlashtirish yordamida tahlil qilinib, natijalar e’lon qilinadi. Ro‘yxatga olish jarayonida to‘planadigan statistik ma’lumotlar yagona elektron axborotlar tizimiga kiritiladi. Ya’ni bundan bu yog‘iga qog‘ozbozlikdan voz kechib, zamonaviy texnologiyalarni joriy etishga e’tibor qaratiladi. O’zbekistonning mukammal kadastr xaritasi yaratiladi Aholini ro‘yxatga olish barobarida yana bir muhim vazifani bajarish ko‘zda tutilgan. Bu hududlarni xaritalash, aholi punktlaridagi uylarning ro‘yxatini tuzish bilan bog‘liq masala. Turar va noturar joylarning aniq soni, holati, foydalanilmay yotgan yoki muddatini o‘tab bo‘lgan binolarni belgilab olish bilan tegishli hududlarda uy-joy, sanoat ob’ektlarni qurish va ta’mirlash masalalariga oydinlik kiritish mumkin bo‘ladi. Bir so‘z bilan aytganda, respublikaning yangi mukammal kadastr xaritasi yaratiladi. Reja aniq, vazifa mas’uliyatli Keyingi yilda mas’ul mutasaddilarni qaynoq ish jarayoni kutib turibdi. Ularni muvaffaqiyatli bajarish bilan viloyatning har bir shahari, tumanidan tortib mahallasiyu ko‘chasiga, chekka qishloq va olis ovullarigacha aloqador bo‘lgan barcha ma’lumotlarni o‘zida aks ettirgan yagona axborot bazasiga ega bo‘lamiz. Bu qimmatli ma’lumotlar esa bizga bugun, ertaga va yaqin kelajakda juda asqotadi. Mamlakatni ijtimoiy-iqtisodiy rivojlantirish maqsadida ishlab chiqilayotgan ko‘p yillik dasturlar, amalga oshirilayotgan tizimli o‘zgarishlar va belgilab olinayotgan rejalar manzil aniq bo‘lsagina, yuqori samara beradi. Demak, mazkur jarayon bilan shu choqqacha e’tibordan chetda qolib kelgan sohaga chinakam poydevor qo‘yiladi, deyish har jihatdan to‘g‘ri bo‘ladi.
Aholini ro‘yxatga olish nima uchun kerak? U necha bosqichda o‘tkaziladi? Mazkur tadbir bizga nima beradi? Aholi sonini ro‘yxatga olish mamlakatda yashovchi barchaga tegishli bo‘lgan demografik, iqtisodiy va ijtimoiy ma’lumotlarni yig‘ish, umumlashtirish, baholash, tahlil va e’lon qilishning yagona jarayonidir. U aholi to‘g‘risidagi ma’lumotlarning asosiy manbai bo‘lib, kelgusi 10-20 yillik rivojlanishning prognoz ko‘rsatkichlarini hisoblash uchun ishonchli poydevor yaratadi. Aholi migratsiyasi to‘g‘risidagi ma’lumotlar shakllantiriladi. O’z navbatida, hududlarni ijtimoiy-iqtisodiy rivojlantirish, aholi bandligi, ayollar va bolalar salomatligini yaxshilash va oilalarga yordam ko‘rsatish bo‘yicha dasturlarni manzilli ishlab chiqishda axborot tarzida foydalaniladi. Aholi sonini ishonchli hisoblash bo‘yicha rasmiy statistika tizimida asosiy rol o‘ynaydi.
Бугунги муқаддас Рамазон кунларида ўзини мусулмонман деган киши борки саховат кўрсатиш, инсонпарварлик, дўстлик ва ҳамжиҳатлик каби олижаноб туйғуларга асосланган ислом дини мазмун-моҳиятидан келиб чиқиб, қўни-қўшни маҳалладошлари холидан хабар олишга, эҳтиёжмандларга мурувват қўлини чўзишга, бир-бирига ўзаро меҳр-оқибат кўрсатишга ошиқмоқда.
Бу анъана Ўзбекистон Мусулмонлар идораси ташаббуси билан ҳудудлардаги барча масжидлар имом-хатиблари бошчилигида давом этмоқда.
Бугун, Косонсой бўйлаб барча масжидлар имом-хатиблари бошчилигида ҳамкор ташкилотлар, шунингдек, туман "Инсон" марказининг маҳаллалардаги ижтимоий ходимлари билан биргаликда "Рамазон - меҳр-мурувват, хайр-саховат ойи" шиори остида йўқлов тадбирлари амалга оширилди. Унда эҳтиёжманд, ижтимоий ҳимояга мухтож оилаларга озиқ-овқат махсулотлари етказилди.
Шунингдек, йўқлов тадбирлари давомида ифторлик дастурхони устида элга тинчлик, одамларга меҳр-оқибат тилаб дуолар қилинди.
Ochilish marosimiga respublikamizning 14 ta hududi va 208 ta tuman (shahar)lari ham bir vaqtda onlayn ulanishgan.
Shu qatorida Kosonsoy tuman yoshlari ham marosimda munosib ishtirok etishdi.
Тинч ва осуда юртга байрамлар, фаровон кунлар ярашади. Кўчаларимиз, хонадонларимиз ободлиги эса кўнгилларга янада ёруғлик, сокинлик келтиради.
Бугун, эрта тонгдан яқинлашиб келаётган "Наврўз" умумхалқ байрами ва муборак Рамазон ойини қарши олишга тайёргарлик кўриш Косонсой туманидаги барча маҳаллалар марказий кўчалар қирғоқлари, уйлар атрофларини ободонлаштириш, кўкаламзорлаштириш, хонадонлар деворлари, дарахтларни оқлаш, қуриган шохларини буталаш, экинзорларни ҳазонлардан тозалаш, йўл бўйларидаги ноқонуний қурилмалар ва бошқа объектларни бартараф қилиш ишлари бажарилмоқда.
Ободончилик ишларида аввало, аҳоли вакиллари фаоллигини ошириш халқимизга хос бўлган ҳашар йўли билан фуқароларнинг ўз ҳонадонлари атрофларида тозалов ишларини амалга оширишга эътибор қаратилмоқда.
Ассалому алайкум, қадрли онахонлар, муҳтарама опа-сингиллар, дилбар аёллар!
▫️Бугун мана шундай қутлуғ баҳор айёмида Сиз, мунис оналаримиз, ҳурматли опа-сингилларимиз, бутун туманимиз хотин-қизларини гўзал байрам – Халқаро хотин-қизлар куни билан чин қалбимдан муборакбод этаман.
Барчамизга яхши аёнки, ҳар бир инсон аввало Аллоҳнинг марҳамати билан, она зотининг ўз боласини юраги остида асраб, тўққиз ой давомида тортган машаққатлари туфайли дунёга келади. Шу боис ҳаммамиз Яратганнинг буюк мўъжизаси бўлган азиз аёлларимиз тимсолида ҳаёт абадийлигини таъминлаб келаётган табаррук зотларни кўрамиз.
Ер юзида ҳаёт пайдо бўлибдики, одамзод мўътабар она сиймоси олдида ҳамиша таъзим қилади. Муборак ҳадислардаги "Жаннат – оналаримиз оёғи остидадир” деган сўзлар ҳам ана шу юксак меҳр ва эҳтиромнинг ёрқин ифодасидир.
Юртбошимиз ташаббуслари билан Сиз, азиз аёлларнинг таълим олишингизга, ижтимоий ҳимоянгизга, соғлигингизга, тадбиркорлик билан эмин-эркин шуғулланишингизга ғамхўрлик, эътибор кўрсатилаётгани, катта имкониятлар берилаётгани бежизга эмас.
Зеро, аёл қанчалик бахтли, соғлом, илмли, салоҳиятли бўлса, халқимиз, жамиятимиз ҳам шунчалик илмли, соғлом, бахтли бўлади.
Барчангизни бугунги баҳор ва нафосат, гўзаллик байрами билан яна бир бор самимий табриклар эканман, инсонга эътибор берилаётган ушбу муқаддас юртда иқболингиз баланд, умрингиз узоқ, ризқу насибангиз зиёда бўлсин!
Ҳамиша соғ-омон бўлинглар!