Сўнгги янгиликлар
Янгиликлар
Косонсой туманидаги миллий маданият марказида «Туронбанк» акциядорлик тижорат банки бошқарув раиси Чори Мирзаев ҳамда туман ҳокими Дилмурод Қодиров маҳаллий тадбиркорлар билан очиқ мулоқот ўтказди.
Учрашувда тадбиркорларининг лойиҳалари ва уларни амалга оширишга тўсиқ бўлаётган муаммоли масалалар кўриб чиқилди.
Шунингдек, туманни ижтимоий-иқтисодий ривожлантириш, инвестицион жозибадорлигини ошириш, тадбиркорларга кенг имконият ва қулайликлар яратиш ҳамда уларни қўллаб-қувватлаш борасида фикр алмашилди.
Очиқ мулоқот жараёнида тадбиркорнинг банк хизмати билан боғлиқ турли масалалардаги таклиф ва ташаббуслари, мурожаатлари эшитилди ҳамда ҳал қилиш бўйича масъул мутасаддиларга зарурий топшириқ берилди.
2023-yil yakunlariga ko‘ra, Namangan viloyatida tashish va saqlash, axborot va aloqa xizmatlar sohasida 2 553,0 mlrd. so‘m miqdorda qo‘shilgan qiymat yaratilgan bo‘lib, bu korsatkich o‘tgan yilga nisbatan 15,1 % ga yuqoridir.
2023-yil yakunlariga ko‘ra, Namangan viloyatida savdo, yashash va ovqatlanish xizmatlari sohasida 3 477,9 mlrd. so‘m miqdorda qo‘shilgan qiymat yaratilgan bo‘lib, bu ko‘rsatkich 2022-yilga nisbatan 9,1 % ga yuqori.
Маълумки, ҳозирги мавсум қишлоқ хўжалиги учун энг долзарб пайт ҳисобланади. Эртанги мўл ҳосил шу даврдаги ҳаракатга боғлиқ.
Бугун Косонсой тумани Қуқумбой ММТП ҳудудидаги “Мусо ариқ тонги” фермер хўжалиги дала майдонида яхши ниятлар билан 2024 йил ҳосили учун жонлиқ сўйилиб дуо фотиҳалар билан чигит экиш бошланди.
Унда иштирок этган туман ҳокими Дилмурод Қодиров чигит экиш мавсумини қисқа кунларда сифатли олиб бориш бўйича тадбирлар режаси билан ўртоқлашиб, йиғилганларга ўтган мавсумдаги камчиликлар айтиб ўтилди ва барча вазифалар белгилаб берилди.
Ҳозирда туман бўйлаб барча секторларда ҳудудий штаблар ташкил этилган бўлиб, тузилган 13 та отряд томонидан ер тайёрлаш, экиш ишлари давом этяпти. Маълумот учун туманда 2024 йил ҳосили учун 3806 гектар чигит экиш режалаштирилган.
Шунингдек, семинарда ҳозирги кунда долзарб бўлган ғалла парвариши, уни бегона ўтлар ва занг касаллигига қарши курашиш ҳамда дала маданияти ишларини жойларда намунали даражада ташкил масалари муҳокама қилинди.
“Маҳалла тизими ходимлари куни муносабати билан бир гуруҳ юртдошларимизни мукофотлаш тўғрисида”ги Президент Фармони қабул қилинди. (https://president.uz/uz/lists/view/7105)
Қувонарлиси, мукофотланганлар орасида Косонсой туманидаги «Инсон» ижтимоий хизматлар марказининг ижтимоий хизматларни ташкиллаштириш бўйича мутахассиси, туман Кенгаши депутати Абдуллаев Жавлонбек Абдуқаюм ўғли ҳам бор.
Ҳамюртимиз Президентимиз томонидан 🎖"Жасорат" медали билан тақдирланди.
▫️Бугун Наманган вилояти мусиқали драма театрида ўтказилган байрам тадбирида Жавлонбек Абдуллаевга вилоят ҳокими Шавкатжон Абдураззоқов томонидан медаль топширилди.
Жавлонбекни ушбу юксак мукофот билан муборакбод этамиз.
Косонсой туманида амалга оширган хайрли ишларда, хусусан, туманнинг ижтимоий-иқтисодий юксалишида ўз ҳиссасини қўшиб келаётган Жавлонбек Абдуллаевни туманимиз аҳли эътироф этади.
Косонсой туман ҳокимлиги Ахборот хизмати