Сўнгги янгиликлар
Янгиликлар
Туманда 2024 йил пилла ҳосилини етиштириш учун 212 та фермер хўжаликлари ва 860 нафар касаначилар билан 3247 қути ипак қурти парваришлаб, 209 тонна пилла етиштириш режалаштирилган.
Бугун бўлиб ўтган маросимда Косонсой тумани ҳокими Дилмурод Қодиров бошчилигидаги сектор раҳбарлари, МТП раислари, вилоят ва туман "Агропилла" вакиллари, маҳаллалардаги хотин-қизлар фаоллари иштирок этишди.
Тадбирда нуронийлар томонидан яратгандан Юртимиз тинчлиги, аҳоли фаровонлигини, бошлаган ишларимизни хайрли барокотли қилиб, пилла ҳосилларимизни мўл бўлиши учун дуога қўл очилди ҳамда жонлиқ сўйилди.
Суҳбат давомида масъуллар билан ипак қурти боқувчиларига шароитлар яратиш ва қўллаб-қувватлаш масалаларига эътибор қаратилди.
Таъкидлаш жоизки мамлакатимизнинг табиий иқлим шароити апрелдан то ноябрь ойларигача қурт боқиш имконини беради. Ипак қуртининг баҳорги қурт боқиш даврида ташқи муҳитнинг турли ўзгарувчан ноқулай шароитларига чидамли бўлиши энг аввало парваришланаётган даражасига боғлиқ.
Наманган вилояти Фавқулодда вазиятлар бошқармаси бошлиғининг биринчи ўринбосари полковник А.Ўринбоев, Косонсой тумани ФВБ бошлиғи подполковник А.Ахматжонов, «Подшоота-Чодак» ИТБ раҳбари А.Абдиевлар Косонсой тумани “Ободон” ва “Равот” МФЙ ҳудудлардан ўтувчи Хитойсой селхонасининг бошланғич нуқтаси ва сўндирғич қурилмаларида ўрганишлар олиб бордилар.
Ўрганишлар якунида селхонасининг умумий ҳолати қониқарли эканлиги, аниқланган баъзи камчиликлар зудлик билан туман ҳокимлиги билан ҳамкорлигида бартараф этилиши юзасидан тадбирлар режаси ишлаб чиқилди.
Таъкидлаш жоизки, бугунги қисқа муддат ёғиб ўтган жала ёмғиридан ҳосил бўлган сел оқимлари аҳолига хавф туғдирмади. Лекин ҳушёрликни ошириб, сел хавфидан доим огоҳ бўлиб, беэътибор бўлмаслик юзасидан маслаҳатлар берилди.
Ўз навбатида аҳоли вакилларидан ижтимоий тармоқларда тарқалаётган фейк хабарларга эмас, расмий интернет маълумотларида ёритилаётган расмий хабарларни кузатиб боришлари тавсия этилди.
Косонсой туманида "Маҳалла еттилиги" тавсияси билан шакллантирилган рўйхатга киритилган ёшларга Е-аукцион платформаси орқали 30 йил муддатга ер ажратиш ишлари давом этмоқда.
Бугун Наманган вилоят ИИБ бошлиғи полковник Шухрат Алиев Косонсой туманида бўлиб, ёшларга ер майдонлари ажратиб бериш жараёнларида қатнашди.
“Янги Ўзбекистон” маҳалласида яшовчи 45 нафар йигит-қизларга “Пахтакор саховати” ҳамда “Мард ўғлон чашмаси” фермер хўжаликларидан 20 сотихдан экин ерлари ажратиб берилди. Улар орасида яқиндагина миграциядан қайтганлари ҳам бор.
Вилоят ИИБ раҳбари ёшлар билан мулоқотда энг унумдор ерлар тақсимлаб берилаётгани, бу имкониятдан унумли фойдаланиш лозимлигини алоҳида таъкидлади.
Шунингдек, ажратилган ердан фойдаланиш тартиби, "Бир ҳудуд - бир маҳсулот" тамойили асосида деҳқончилик қилиш борасида тушунтириш ва тавсиялар берилди.
☑️ Маълумот учун: Косонсой туманида 1226 нафар ер олиш истагидаги ёшлар рўйхати шакллантирилиб, туман ҳокимлиги заҳирасидаги 366 гектар майдон очиқ электрон савдога қўйилган.
Халқимизда “Соғ танда - соғлом ақл” деган ҳикмат бежизга айтилмаган. Боиси, инсон ҳаётда соғлом яшаши учун албатта, жисмоний тарбия билан шуғулланиб туриши керак. Жисмоний ҳаракатлар инсон организмидаги иш фаолиятини яхшилайди. Тана соғлом бўлса, инсоннинг фикрлаши ҳам яхши бўлади. Соғлом халқ, соғлом миллат эса буюк ишларга қодир бўлади.
Ўқитувчиларнинг жисмоний фаоллиги даражасини ошириш, таълим муассасаларидаги спорт секциялари ва тўгараклари фаолиятини ривожлантиришга кўмаклашиш, ўқитувчиларнинг бўш вақтларида спорт билан шуғулланишлари учун шароит яратиш мақсадида, «Беш ташаббус олимпиадаси» доирасида Косонсой туман мактабгача ва мактаб таълими бўлими тасарруфидаги умумий ўрта таълим мактаб ўқитувчилари ўртасида “Соғлом танда - сифатли таълим” шиори остида Касаба уюшмаси кубоги спорт мусобақаларига старт берилди
Тумандаги барча мактаб жамоалари секторлар кесимида 3, 13, 18, 28, 49-сонли мактабларда жам бўлишди. Ҳудудларда мусобақанинг очилиш маросимлари тантанали ташкил этилиб, спорт мусобақаларига юртимиз мадҳияси садолари остида старт берилди.
Мусобақалар спортнинг мини-футбол, волейбол, стол теннис, шахмат ва шашка турлари бўйича ўтказилиб, ғолиблар мусобақанинг 20 апрел кунлари ўтказиладиган туман босқичига йўлланмани қўлга киритишади.
Мамлакатимизда имконияти чекланган ва ногиронлиги бўлган ёшлар ўртасида “Беш ташаббус паралимпиадаси” мусобақаларининг ўтказилиши минглаб матонат ва ирода соҳибларига кенг имкониятлар эшигини очиб берди.
Бугун, Косонсой тумани "Инсон" ижтимоий хизматлар маркази, Болалар ва ўсмирлар спорт мактаби, туман маданият маркази, Ёшлар ишлари агентлиги ҳамкорликда маҳаллаларда истиқомат қилувчи 16-30 ёшгача жисмоний имконияти чекланган ва ногиронлиги бўлган ёшлар ўртасида "Беш ташаббус паралимадаси" спорт мусобақаси ўтказилди.