Сўнгги янгиликлар
Янгиликлар
Камбағалликни қисқартириш ва бандлик вазирининг тегишли буйруғи билан Имамов Шокиржон Махаммадсодиқович Камбағалликни қисқартириш ва бандлик вазирлигида Камбағалликни қисқартириш, ҳоким ёрдамчилари фаолиятини мувофиқлаштириш бошқармаси бошлиғи лавозимига тайинланди.
Тайинловга қадар Маҳаллабай ишлаш ва тадбиркорликни ривожлантириш агентлигининг Наманган вилоят бошқармаси бошлиғи лавозимида фаолият юритиб келаётган эди.
Aholini ro‘yxatga olish - O‘zbekiston Respublikasining butun hududida yoki uning muayyan hududlarida o‘tkaziladigan, belgilangan sanada aholining demografik va ijtimoiy-iqtisodiy tavsiflarini belgilovchi shaxsga doir ma’lumotlarni yig‘ish hamda ularga ishlov berish davriy jarayoni;
Aholini ro‘yxatga olish sanasi - aholi to‘g‘risidagi ma’lumotlarni yig‘ish va hisobga olish amalga oshiriladigan aniq payt (yil, oy, kun va soat); Respondentlar - aholini ro‘yxatga olish sanasida O‘zbekiston Respublikasi hududida bo‘lgan O‘zbekiston Respublikasi fuqarolari, chet el fuqarolari va fuqaroligi bo‘lmagan shaxslar, O‘zbekiston Respublikasida doimiy yashovchi, lekin aholini ro‘yxatga olish sanasida uning hududidan tashqarida bo‘lgan O‘zbekiston Respublikasi fuqarolari; Ro‘yxatga olish varag‘i - ko‘rsatilgan savollar bo‘yicha shaxsga doir ma’lumotlarni yozib olish uchun belgilangan shakldagi blanka;
Ro‘yxatga olish hujjatlari - aholini ro‘yxatga olishga tayyorgarlik ko‘rish va uni o‘tkazish jarayoniga taalluqli hujjatlar majmui;
Ro‘yxatga oluvchi xodimlar - O‘zbekiston Respublikasining aholini ro‘yxatga olishga tayyorgarlik ko‘rishga va uni o‘tkazishga jalb etilgan, maxsus o‘quvdan o‘tgan voyaga yetgan fuqarolari;
Uy xo‘jaligi - bitta turar joyda yoki uning bir qismida birgalikda yashaydigan, o‘zini yashash uchun barcha zarur narsalar bilan ta’minlaydigan, umumiy xo‘jalik yuritadigan, pul mablag‘larini to‘liq yoki qisman birlashtiradigan va sarflaydigan shaxslar yig‘indisi. Bu shaxslar qarindoshlik munosabatlarida bo‘lishi yoki bo‘lmasligi mumkin. Uy xo‘jaligi bitta shaxsdan iborat bo‘lishi mumkin.
Aholini ro‘yxatga olishning asosiy maqsadi O‘zbekiston Respublikasida aholi tarkibining holati va rivojlanish dinamikasi haqida mamlakatni sotsial-iqtisodiy va ijtimoiy-siyosiy rivojlantirish sohasidagi davlat siyosatining ustuvor yo‘nalishlarini belgilash va amalga oshirish uchun zarur bo‘lgan ishonchli va xolis axborotni olishdan iboratdir.
Aholini ro‘yxatga olishning asosiy vazifalari quyidagilardan iborat: aholining sog‘lig‘ini mustahkamlash, xotin-qizlar va bolalar yashash shart-sharoitlarini yaxshilash, oilalarga yordam ko‘rsatish bo‘yicha choralarni ishlab chiqish maqsadida aholi tarkibidagi, mamlakatning demografik vaziyatdagi o‘zgarishlarni baholashga doir ma’lumotlar bazasini kengaytirish; shaharlarni va boshqa aholi punktlarini ijtimoiy-iqtisodiy rivojlantirishning, mehnat resurslarini joylashtirish hamda ulardan foydalanishning uzoq, o‘rta va qisqa muddatli prognozlari hamda dasturlarini tayyorlash; aholini ro‘yxatga olishlar oralig‘idagi davrda aholi soni va tarkibining joriy hisobini, hisob-kitoblarini hamda prognozlarini amalga oshirish; ijtimoiy-iqtisodiy rivojlantirish masalalari bo‘yicha ilmiy tadqiqotlarni o‘tkazish.
Aholini ro‘yxatga olishning asosiy prinsiplari quyidagilardan iborat: davriylik; umumiylik va bir paytdalik; ro‘yxatga olishning yakka tartibdaligi; shaxsga doir ma’lumotlarning maxfiyligi; aholini ro‘yxatga olishni boshqarishning markazlashtirilganligi.
-Davriylik prinsipi Aholini ro‘yxatga olish o‘n yilda kamida bir marta o‘tkaziladi, aholini ro‘yxatga olishni o‘tkazish to‘g‘risidagi qaror sanasi va muddati ko‘rsatilgan holda O‘zbekiston Respublikasi Prezidenti tomonidan qabul qilinadi, aholini ro‘yxatga olishni o‘tkazish to‘g‘risidagi taklif O‘zbekiston Respublikasi Vazirlar Mahkamasi tomonidan, qoyida tariqasida, ro‘yxatga olishni o‘tkazish mo‘ljallangan sanadan kamida uch yil oldin kiritiladi.
-Umumiylik va bir paytdalik prinsipi Aholini ro‘yxatga olishning yagona belgilangan sanasida shaxsga doir ma’lumotlarni barcha respondentlardan yig‘ish O‘zbekiston Respublikasining butun hududida yoki uning muayyan hududlarida bir paytning o‘zida amalga oshiriladi.
Ro‘yxatga olishning yakka tartibdaligi prinsipi Shaxsga doir ma’lumotlar yig‘ilayotganda ro‘yxatga olish varag‘i har bir respondent uchun yakka tartibda to‘ldiriladi.
Shaxsga doir ma’lumotlarning maxfiyligi prinsipi Aholini ro‘yxatga olishning shaxsga doir ma’lumotlari maxfiy bo‘lib, respondentning roziligisiz oshkor etilmaydi va tarqatilmaydi.
Aholini ro‘yxatga olishni boshqarishning markazlashtirilganligi prinsipi O‘zbekiston Respublikasi bo‘yicha aholini ro‘yxatga olishga tayyorgarlik ko‘rish va uni o‘tkazish aholini ro‘yxatga olishni yagona boshqaruv tizimini yaratish asosida markazlashtirilgan holda amalga oshiriladi.
Аҳолини ва ҳудудларни фавқулодда вазиятлардан муҳофаза қилиш ҳамда ёнгин хавфсизлигини таъминлаш мақсадида Косонсой тумани “М.Аъзам”, “Гулобод” МФЙ ҳудудларидан профилактик тадбирлар олиб борилди.
Шунингдек, маҳалла ҳудудидаги 340 та аҳоли хонадонлари ёнғинга қарши ҳолати текшириб чиқилиб, хонадонларида яшовчи 450 нафар фуқаролар билан фавқулодда вазиятлар ва ёнғинларни олдини олиш борасида тушунтириш ишлари олиб борилиб, хонадон эгаларига йўриқнома берилиб, сойнинг белгиланмаган жойларида чўмилиш таъқиқланади мазмундаги эслатмалар ўрнатилди.
Бундан ташқари “Фавқулодда вазиятлар профилактикаси куни” тадбирлари ўтказилган Косонсой тумани “Гулобод” МФЙ ҳудудида жойлашган жойлашган Косонсой тумани М ва МТБ га қарашли 46-сонли Умумтаълим мактабда Зилзила вақтида тўғри ҳаракатланиш қоидаларини ўргатишга мўлжалланган ўқув амалий сменалар ташкил этилди ҳамда ёнғин-қутқарув асбоб-анжомларининг намойиши, мактаб 9-11 синф ўқувчилари билан “Ёшларни ватанпарварлик руҳида тарбиялаш”, “Ҳарбий ватанпарварлик” бўйича тушунтиришлар олиб борилди.
Бу борадаги ишлар Наманган шаҳар ва барча туманларда давом эттирилмоқда.
Пиллачилик қишлоқ хўжалигининг даромадли соҳаларидан бири ҳисобланади. Оз муддат ичида натижа кўрсатувчи юмуш бўлган ипак тола етиштиришга бугунги кунда мамлакатимизда алоҳида эътибор қаратилмоқда. Косонсой туманида жорий йилда 3247 қути ипак қурти парваришлаб, 209 тонна пилла етиштириш режалаштирилган.
Бугун туман ҳокими Дилмурод Қодиров Қуқумбой, Худойбердиев ҳудудларида жойлашган инкубаторийда мутахассислар ҳамда ҳудудлардаги пилла агрономлари билан мулоқот ўтказди ва яхши ниятлар билан дастлабки қурт уруғини жонлантиришга қўйиб берди.
Пилла етиштирувчиларга бу мўъжизакор жониворни сифатли ва ўз вақтида етказиб бериш учун ҳозирдан эътиборли бўлиш топширилди.
Катта меҳнат эвазига яратиладиган кумуш толани уюшқоқликда йиғиштириб олишда Яратганнинг ўзи мададкор бўлишини тилаб, дуои фотиҳа қилинди.
Бугун, 2 апрель куни Косонсой тумани ҳокимлиги фаоллар залида Наманган вилоят прокурори Умирбек Мадрахимов, Марказий банк вилоят бошқармаси бошлиғи, туман ҳокими бошчилигидаги сектор раҳбарлари, вилоят, туман тижорат банклари раҳбарлари ҳамда уларнинг мижозлари иштирокида йиғилиш ўтказилди.
Мулоқот давомида тадбиркорларга банк имтиёзлари ва ресурслари, булардан унумли фойдаланиш, иқтисодий барқарорликка эришишда тадбиркорлик фаолиятини ривожлантириш учун ажратилаётган банк кредитлари, уларни ундириш ва улар ҳисобига амалга оширилаётган бизнес лойиҳаларини қўллаб-қувватлаш масалалари муҳокама қилинди.
Шунингдек, тадбиркорларнинг банк хизмати билан боғлиқ турли масалалардаги таклиф ва ташаббуслари, мурожаатлари эшитилди ҳамда банк раҳбарлари ва мутасадди ташкилотларга муаммоли кредитларни бартараф этиш бўйича муддатлар белгиланиб, режа график ишлаб чиқиш юзасидан тегишли топшириқлар берилди.