Сўнгги янгиликлар
Янгиликлар
Спортни оммалаштириш, соғлом турмуш тарзини тарғиб қилиш, шунингдек, улар орасидан иқтидорларни аниқлаш ва қўллаб-қуватлаш мақсадида ҳар йили футбол ва мини-футбол бўйича ДХХ раиси кубоги мусобақалари ўтказиб келинмоқда.
Бугун Косонсой туманида "Беш ташаббус олимпиадаси" доирасидаги мазкур анъанавий мусобақанинг финал қисми бўлиб ўтди.
Очилиш маросимида Косонсой тумани ҳокими Дилмурод Қодиров бошчилигидаги сектор раҳбарлари иштирок этиб, спорт соҳасидаги ислоҳотлар, ёшларга яратиб берилаётган имкониятлар ҳақида тўхталиб, иштирокчиларга омад тилашди.
Кўтаринки кайфиятда ташкил этилган футбол турнири барчада яхши таассурот қолдирди.Қизғин ва муросасиз тарзда кечган мусобақанинг ғолиб ва совриндорлари аниқланди.
Бугунги финал ўйинида "Олмазор" маҳалласи ёшлари 2-0 ҳисобида "Булоқбоши" ёшларидан устун келган бўлса, “Олмазор” маҳалласининг мини-футбол жамоаси “Навбаҳор” маҳалласи ёшларини 3-1 ҳисобида мағлуб этиб, вилоят босқичига йўлланма олишди.
Якунда ғолиб жамоалар сектор раҳбарлари томонидан ташаккурнома ҳамда қимматбаҳо эсдалик совғалари билан тақдирландилар.
Косонсой туман ҳокимлиги Ахборот хизмати
Наманган вилояти ҳокими Шавкатжон Абдураззоқов Косонсой туманидаги ўрганишлари жараёнида "Гулобод" маҳалласида жойлашган янгитдан қурилган туғруқ комплексининг очилиш маросимида қатнашди.
Инвестиция дастури асосида нолдан бошлаб қурилган мазкур 130 ўринли туғруқхона биноси тақдимоти катта шодиёнага айланди.
Қурилишга 11 миллиард сўмдан ортиқ маблағ сарфланди. Бу ерда туғруқни қабул қилиш, уни муваффақиятли амалга ошириш, она ва чақалоқ соғлиғини муҳофаза қилиш учун барча шароитлар яратилди. 7 та туғруқ зали, 3 та жарроҳлик амалиёти хоналари замонавий жиҳозланди.
Рамзий лента қирқилгач, иштирокчилар бу ерда яратилган шароитлар билан танишдилар.
Наманган вилояти ҳокимлиги Ахборот хизмати.
Косонсой туманида ижтимоий-маънавий муҳитни соғломлаштириш бўйича Республика ишчи гуруҳининг тарғибот тадбирлари бўлиб ўтмоқда.
Хусусан, бугун туман ҳокимлигида секторлар раҳбарлари, туман ҳокимлиги бўлим бошлиқлари ҳам мутахассислари, давлат ва жамоат ташкилотлари раҳбарлари, ҳоким ёрдамчилари, умумтаълим мактаблари директорлари, маънавий-маърифий ишлар бўйича ўринбосарлари ижтимоий-маънавий муҳитни соғломлаштириш, турли диний экстремистик оқимлар таъсирига тушиб қолишнинг олдини олиш бўйича давра суҳбати ўтказилди.
Унда Дин ишлари бўйича қўмита масъул ходими Жаҳонгир Мелиқўзиев томонидан юртимизда ҳукм сураётган тинчлик неъмати, диний эътиқод эркинлиги, турли хил диний оқимлар таъсирига тушиб қолишнинг олдини олиш, интернет тармоқларидан оқилона фойдаланиш лозимлиги каби мавзуларда фикр-мулоҳазалар билдирилди.
Тадбир давомида иштирокчиларга “Тинчлик қадри” номли видеоролик намойиш бўлиб ўтди.
Бугун Халқ депутатлари Косонсой туман Кенгашининг 72-сессияси бўлиб ўтди. Кенгаш раиси Д.Қодиров олиб борган сессия ишида депутатлар, сектор раҳбарлари, ҳокимнинг тегишли ўринбосарлари ҳамда ташкилот ва муассасалар раҳбарлари иштирок этдилар.
Сессия ишида Президентнинг Косонсой туман Халқ қабулхонаси мудири Т.Муйдинованинг “Ҳоким ёрдамчилари фаолиятини натижадорлигини ўрганиш” юзасидан киритилган ахбороти, Косонсой тумани ҳокими ва ердан фойдаланувчи ўртасида ер ижараси шартномасини тузиш чораларини кўриш тўғрисида ахборот тўғрисида ҳамда тумандаги қишлоқ хўжалиги фойдаланишига тегишли бўлган ва бугунги кунда туман заҳирасида бўлган ер майдонларидан фойдаланиш самарадорлигини оширишга доир чора-тадбирлар, 2024-йил 1-чорак якуни билан “Бандлик дастури” доирасида аҳоли бандлигига кўмаклашиш ҳамда янги иш ўринларини яратишга доир чора-тадбирларни амалга ошириш ҳолати, Косонсой туманининг 2024 йил 1-чорак маҳаллий бюджетини бажарилиши тўғрисида ҳамда Маҳаллий бюджетининг 2024-йил бошига шаклланган эркин колдик маблагларини йўналтириш, “Саховат ва кўмак” жамғармасига тушган маблағларини сарфлаш, Вазирлар Маҳкамасининг 2023 йил 14 январдаги “Ўзбекистон Республикаси Инвестиция дастурини шакллантириш тизимини янада такомиллаштириш ва самарадорлигини ошириш чора-тадбирлари тўғрисида”ги 16-сонли қарори ижроси бўйича амалга оширилаётган ишлар, Вазирлар Маҳкамасининг 2024 йил 9 февралдаги 79-сонли қарори юзасидан ҳисоботи, 2024 йил май ойида “Аёллар дафтари”нинг 5-босқичига киритилган хотин-қизларни моддий жиҳатдан қўллаб-қувватлаш борасида амалга оширилган ишлари тўғрисидаги масалалар кўриб чиқилди.
Баҳс ва мунозараларга бой ўтган сессия якунида Халқ депутатлари Косонсой туман Кенгашининг тегишли қарорлари қабул қилинди.
Маълумки, жорий йил мамлакатимиз қишлоқ хўжалиги учун ҳам бирмунча синовли келди. Аммо, тадбиркор деҳқонларимиз ҳар қандай қийинчиликларни енгишга қодир. Фермерчиликда эса ютуқларнинг асосий сабабларидан бири, бу тинимсиз изланиш ва уддабуронлик билан иш юритиш ҳисобланади.
Жорий йилда Косонсой туманида 2024 йил ғалла ҳосили учун 6145 гектар майдонда бошоқли дон экинлари экилиб, парвариш қилинмоқда.
Ғалла ўрим-йиғим мавсумини уюшқоқлик билан ўтказиш мақсадида 17 та отрядлар ташкил этилиб, уларга 17 та ғалла ўриш комбайнлари бириктирилди, кўчма уйлар ташкил этилди. Шунингдек ҳар-бир ўрим комбайнига 5 донадан жами 85 та дон ташиш машиналари бириктирилди.
Масъул вакиллар ҳамда мутасаддилар иштирокидаги семинарда вилоят ҳокимининг ўринбосари Анваржон Ҳакимов, вилоят Прокуратураси, вилоят ИИБ бошлиғи ўринбосари, туман сектор раҳбарлари ҳамда соҳага дахлдор масъуллар иштирок этди. Жараёнда техникалар кўздан кечирилди.