Сўнгги янгиликлар
Янгиликлар
Президент қарорига кўра, 2023/2024 ўқув йилидан:
▫️академик лицейларга ўқувчиларни қабул қилишда ёзма имтиҳон асосида дастлабки саралаш босқичи бекор қилинади;
▫️коллеж ва техникумларнинг таълим дастурларига давлат гранти асосидаги қабул кўрсаткичлари 2 бараварга оширилади;
▫️абитуриентларга “давлат гранти” ёки “таълим йўналиши” устуворликларидан бирини танлаш ва танлаган устуворлиги бўйича бакалавриат таълим йўналишлари кетма-кетлигида танловда иштирок этиш ҳуқуқи берилади.
Ходжиев Иброҳим Икрамович Ўзбекистон Республикаси Президенти ҳузуридаги Ижтимоий ҳимоя миллий агентлигининг Наманган вилояти бошқармаси бошлиғи лавозимига тайинланди.
▫️Иброҳим Икрамович 1989 йилда Наманган шаҳрида туғилган. 2011 йилда Наманган муҳандислик-иқтисодиёт институтини тамомлаган. Мутахассислиги иқтисодчи.
У меҳнат фаолиятини ёшлар ташкилоти тизимида туман, вилоят ва Республика даражасидаги лавозимларда олиб борган, 2015-2019 йилларда Ўзбекистон Республикаси Олий Мажлиси Қонунчилик палатаси депутати бўлган.
Тайинловга қадар Ўзбекистон Республикаси Президенти ҳузуридаги Давлат хизматини ривожлантириш агентлиги Наманган вилояти филиали раҳбари ўринбосари лавозимида ишлаб келаётган эди.
Мазкур тайинлов Ўзбекистон Республикаси Президентининг 2023 йил 1 июндаги “Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида”ги фармони асосида амалга оширилди.
“UzAuto Motors” заводдаги ишлаб чиқариш линиялари режали модернизация қилиниши сабабли ишлаб чиқариш вақтинча тўхтатилгани ортидан бўлаётган муҳокамаларга муносабат (https://uzavtosanoat.uz/news_show/1688282717) билдирди.
«Бундай модернизация ва профилактика ишлари заводда мунтазам равишда амалга оширилади ҳамда бу корхона фаолиятининг нарх билан эмас, балки техник масалалари билан боғлиқ», — дея изоҳ берди компания.
Шунингдек, компания мазкур ишлар режалаштирилгани ва истеъмолчиларга автомобилларни етказиб бериш жадвалига таъсир қилмаслигини эслатиб ўтган.
Sigaret qoldigʼini yoki biron bir maxsulotning chiqindisini chiqindi qutilariga erinmay borib, tashlab kelgan odam mashinasiga vatanimiz bayrogʼini ilib olib "Vataaaaan jonim toʼshay soyangga!" deb, baqirib yurgan odamdan koʼra vatanparvarroq tuyuladi menga...
Koʼchada ketayotgan odamning qoʼlidagi plastik idish yoki boshqa chiqindi biz uchun muammo boʼlib koʼrinadi. Vaholanki, mazkur chiqindini nafaqat toʼgʼri tarzda yigʼib olib yoʼq qilish, balki undan yaxshigina moddiy foyda qilish mumkin. Oʼzbekistonda ekologik muammolarning ildizlaridan biri boʼlgan chiqindi tashlash madaniyatiga yetarlicha eʼtibor qaratilmaydi. Oxirgi marta qoʼlingizdagi chiqindini qaerga tashlaganingizni eslab koʼring
Oziq-ovqat mahsulotlarining qogʼozlari, baklajkalar, sellofan paketlar – ayrim koʼchalar uchun odatiy manzara. Befarqlikdan achchiq haqiqatni anglash mumkin: koʼpchilik tabiatni sevmaydi.
Xalqimizning koʼp yaxshi xislatlari bor, ammo ular qatoriga, afsuski, tabiatni asrash fazilati hali qoʼshilmagan.
Buni, masalan, tumanimiz koʼchalarini kezib, yoʼlaklarda, ariqlarda yotgan maishiy chiqindilar misolida koʼrish mumkin.
Urnalar yetishmasligi, chiqindilarni belgilangan joylarga tashlamaslik kabi omillarni inkor etib boʼlmaydi, toʼgʼri, biroq atrof-muhitni juda bir eʼzozlaydigan xalqmiz deyish ham mubolagʼa boʼladi.
Oʼzbekistonda atrof-muhitni ifloslantirganlik uchun jarimalar belgilangan. Maʼmuriy javobgarlik toʼgʼrisidagi kodeksning 82-, 91-, 123-moddalarida chiqindini tashlash boʼyicha normalar belgilab qoʼyilgan. 82-moddaga muvofiq, muhofaza qilinayotgan tabiiy hudud rejimini buzish 1,1 mln soʼm miqdorida jarimaga sabab boʼladi.
Bundan tashqari, fuqaro 91-moddada koʼrsatilganidek noqonuniy joyga chiqindini tashlaydigan boʼlsa, hozirgi kunda 669 ming soʼm jarima toʼlaydi. Аvtomashinadan chiqindini tashlaydigan boʼlsa, 123-moddaga asosan 223 ming soʼmgacha jarimaga tortiladi.
Аfsuski, jarima miqdorini belgilab qoʼyish bilangina koʼzlangan maqsadga erishib boʼlmaydi.
Chiqindi tashlaganlarni qattiq jazoga tortish (kameralar orqali aniqlash), aholini chiqindini saralashga oʼrgatish, ularni qayta ishlashni yoʼlga qoʼyish zarur.
OАVda ham falonchi chiqindini belgilanmagan joyga tashlagani uchun jazolanibdi, jarimaga tortilibdi, degan gaplar yoritilmaydi. Demak, chiqindi boʼyicha nazorat haminqadar”.
Maʼlumot uchun bir faktni qayd etmoqchiman: Yapon maktablarini oʼquvchilarning oʼzi tozalaydi. 12 yillik maktab taʼlimi davomida boshlangʼichdan to yuqori sinfgacha tozalik vaqti oʼquvchilar kunlik jadvalining muhim qismiga aylangan.
Bu bilan maktab oʼquvchilari yaponlarga oʼxshab chiqindi tozalasin, demoqchi emasman. Shunchaki, barcha fuqarolarimiz Oziq-ovqat mahsulotlarining qogʼozlari, baklajkalar, sellofan paketlarni toʼgʼri kelgan joylarga emas, belgilangan joylarga tashlash kifoya.
Аtrof-muhitga eʼtiborli boʼlaylik azizlar!
Mahliyo ABDUAHATOVA, Farg`ona davlat universiteti talabasi
Хабарингиз бор, ҳафтанинг ҳар шанба куни Косонсой туманида спорт куни деб эълон қилинган. Шу муносабат билан “Соғлом ҳаёт учун!” ҳамда “Ўзбекистон - барчамиз учун ягона Ватан, ягона қалбдир!” шиорлари остида 2 июль Давлат герби қабул қилинган кун муносабати билан соғлом турмуш тарзини тарғиб қилиш мақсадида веломарафон бўлиб ўтди.
Марафонда иштирокчилар шон-шуҳрат музейи олдидан ёшлар хиёбонигача бўлган масофани босиб ўтишди. Соғлом турмуш тарзини тарғиб этиш мақсадида ўтказилаётган ушбу марафонга минглаб ёшлар ва аҳоли вакиллари жам бўлишди.
Мусобақанинг якунида ғолиб бўлган иштирокчилар туман ҳокими Дилмурод Қодиров бошчилигидаги сектор раҳбарлари томонидан ташаккурнома ҳамда қимматбаҳо совғалар билан тақдирландилар.
Мазкур тадбирларни ўтказишдан мақсад – ёшлар ўртасида соғлом турмуш тарзини тарғиб этиш ҳамда уларни спортга бўлган қизиқишини янада оширишдир.
Косонсой тумани ҳокимлиги матбуот хизмати