Сўнгги янгиликлар
Янгиликлар
Til har bir millatning ulkan boyligi, benazir qadriyati va bebaho mulki hisoblanadi. Har bir xalq, har bir elat, oʻzi hurmat va ehtirom qiladigan tilga ega. Tilda ana shu tilning ijodkori boʻlgan xalq, elatning tarixi va madaniyati aks etadi.
Har yili 21-oktyabr yurtimizda oʻzbek tiliga davlat tili maqomi berilgan kun sifatida keng nishonlanadi. 1989-yil 21-oktyabr kuni “Oʻzbekiston Respublikasining Davlat tili toʻgʻrisida”gi alohida qonuni qabul qilingan.
Barcha yurtdoshlarimizni bugungi sharafli sana — Oʻzbek tiliga davlat tili maqomi berilganligining 34 yilligi, oʻzbek tili bayrami bilan chin qalbdan muborakbod etamiz.
Ona tilimizga boʻlgan hurmat-ehtiromimiz hamisha bardavom boʻlaversin!
☑️ Bayram muborak, aziz yurtdoshlar!
Kosonsoy tumani hokimligi
Til xalqning, millatning tarixi va madaniyatini oʻzida mujassam etadi. Ayni vaqtda u jamiyatni rivojlantirish omili, millatning ajralmas xususiyati va davlatning suverenligini koʻrsatuvchi belgilardan biridir.
Shu maʼnoda bugun mamlakatimizda Oʻzbekiston Respublikasi “Davlat tili haqida”gi qonuni qabul qilinganining oʻttiz toʻrt yilligi hamda “Oʻzbek tili bayrami” kuni keng nishonlanmoqda. Kosonsoy tumanidagi 4-sonli bolalar musiqa va sanʼat maktabida Kosonsoy tuman hokimligi, tuman Maktabgacha va maktab taʼlimi boʻlimi hamda Respublika maʼnaviyat va maʼrifat markazi tuman boʻlinmasi hamkorligida “Qadring baland boʻlsin ona tilim!” shiori ostidagi bayram tadbiri tashkil etildi.
Tadbirda soʻz olganlar, ona tilimizning buyukligi, boyligi, betakrorligi va oʻziga xos fazilatlari haqida oʻz fikrlarini bildirib oʻtdilar.
Shuningdek, bayram tadbirida 8-sonli umumiy oʻrta taʼlim maktabining yosh ijodkor oʻquvchilar tomonidan ijro etilgan ona tilimizni madh etuvchi sheʼrlar, taniqli ijodkorlar Aʼzamjon Mamajonov hamda Abdunabi Mamajonovlarning chiqishlari yigʻilganlarga koʻtarinkilik baxsh etdi.
Мактабгача ва мактаб таълими вазирлиги томонидан Вазирлар Маҳкамасининг Давлат тилини ривожлантириш департаменти, Ўзбекистон касаба уюшмалари Федерацияси билан ҳамкорликда «Йилнинг энг яхши ўзбек тили ўқитувчиси» Республика танлови ғолибларини тақдирлаш маросими бўлиб ўтди.
Унда Давлат тилини ривожлантириш департаменти мудири Нодир Жонузоқ, вазирлик масъуллари ва бутун Республикадан келган она тили ва адабиёт ҳамда ўзбек тили устозлари қатнашишди.
Қувонарлиси, ушбу танловда иштирок этган Косонсой туман ихтисослаштирилган мактаби она тили ва адабиёти фани ўқитувчиси Тошбоева Гулрух Абдулҳаевна фахрли биринчи ўринни олиб, туманимиз, вилоятимиз шарафини муносиб ҳимоя қилди ва бош соврин (25 млн. сўм) ҳамда эсдалик совғалар билан тақдирланди.
Уч босқичда бўлиб ўтган танлов якуний натижаларга кўра энг юқори балл тўплаган она тили ва ўзбек тили ўқитувчилари (ҳар бир ўринга 1 нафар она тили ва 1 нафар ўзбек тили устозлари) қуйидаги мукофотлар билан тақдирланишди:
🥇1-ўринга «Йилнинг энг яхши ўзбек тили ўқитувчиси» I даражали дипломи, 25 млн. сўм пул мукофоти;🥈2-ўринга «Йилнинг энг яхши ўзбек тили ўқитувчиси» II даражали дипломи, Моноблок;🥉3-ўринга «Йилнинг энг яхши ўзбек тили ўқитувчиси» III даражали дипломи, Ноутбук.
❗️Шунингдек, 2 нафар устоз «Ижодкор устоз» ва «Изланувчан устоз» номинациялари бўйича тақдирланди.
Миллий сертификат олган талаба-ўқитувчиларга ҳам бошқа ўқитувчиларга тўлангани каби сертификат учун устама тўланади, Талаба бўлгани учун уларга алоҳида қоида қўлланилмайди.
Маълумот учун, умумтаълим фанларидан миллий сертификатлар учун ўқитувчиларга 20 фоиз, халқаро сертификатлар учун эса 50 фоиз устама тўланади.
Uzbekistan Airways 60 ёшдан ошган эркаклар ҳамда 55 ёшдан ошган аёлларга 1 ноябрдан 30 ноябргача авиачипталар учун 25%лик чегирма беради. (https://t.me/Mintrans_uz/14658) Чегирма маҳаллий рейсларнинг эконом классларига амал қилади.