Сўнгги янгиликлар
Янгиликлар
Ўзбекистон Республикаси Президенти раислигида 2023 йилнинг 22 декабрь куни Республика Маънавият ва маърифат кенгашининг навбатдаги йиғилиши ўтказилган эди.
Мазкур йиғилишда “Илм-фан, таълим ва тарбия, маънавият биз учун устувор масаладир”, - дея алоҳида таъкидлаган эди давлат раҳбари.
Мазкур йиғилиш мазмунини кенг тарғиб этиш мақсадида Косонсой туманида таниқли ижодкорлар, маънавият тарғиботчилари иштирокида “Янги ҳаёт учун-янги Ўзбекистон учун!” шиори остида “Янги Ўзбекистон – инсон қадри устувор бўлган жамият ва халқпарвар давлатдир” мавзусида маънавий-маърифий, тарғибот тадбирлар ташкил этиб келинмоқда.
Ана шундай тадбирлардан бири туман Маданият бўлимида ташкил этилди. Тадбирда Республика маънавият ва маърифат маркази туман бўлинмаси бош мутахассиси Э.Зоиров, Диний қўмитанинг туман бўйича бош мутахассиси Ш. Бойбобоев, ИИБ ТҚКБ ходими Б. Устабобоевлар иштирок этиб, Давлатимиз раҳбарининг Маънавият ва маърифат Кенгаши йиғилишида белгилаб берилган устувор вазифалар, юрт тинчлиги, маҳалла ободлиги, ёшлар тарбиясида бажарилиши лозим бўлган муҳим ишлар бўйича атрофлича маълумот бердилар.
Шунингдек, бўлимда ижтимоий-маънавий муҳит барқарорлигини таъминлаш муҳим масала эканлигини таъкидлаб ўтдилар.
Илҳомжон Бурхонович Икромов Ўзбекистон маҳаллалари уюшмасининг Наманган вилояти бўйича бошқармаси бошлиғи вазифасига тайинланди. (https://t.me/namvilhok/140641)
Илҳомжон Икромов 1966 йил Норин туманида туғилган. Маълумоти олий, 1989 йилда Тошкент халқ хўжалиги институтини, 2002 йилда Ўзбекистон Республикаси Банк-молия академиясини тамомлаган.
Меҳнат фаолиятини 1989 йилда Наманган вилояти уй-жой жамғарма банки иқтисодчиси вазифасидан бошлаган.
1992-2020 йилларда молия соҳаси бўйича Наманган вилоят бошқармаларида ҳамда Норин туманида турли лавозимларда фаолият юритган.
2020-2022 йилгача Норин тумани ҳокимининг ўринбосари-маҳалла ва оилани қўллаб-қувватлаш бўлими бошлиғи вазифасида ишлаган.
Тайинловга қадар Норин тумани ҳокимининг биринчи ўринбосари лавозимида ишлаб келаётган эди.
Косонсой туман ҳокими Дилмурод Қодиров туман Мудофаа бўлимида ёшлар етакчилари ва масъуллар билан учрашди. Учрашув давомида ҳар бир маҳалладаги ҳарбий хизматга чақирилувчи ёшлар билан профилактик суҳбат ўтказиш, уларнинг мурожаатларини ўрганиш ва амалий кўмак бериш борасида етакчиларга тегишли топшириқлар берди.
Учрашувдан сўнг, туман ҳокими бўлимда яратилган шароитлар билан танишди. Ўрганиш давомида аниқланган камчиликлар юзасидан маскан ишчи-ходимлари билан суҳбатлашиб, мазкур камчиликларни бартараф этиш бўйича аниқ вазифалар белгилаб берилди.
Бундан ташқари кўрикдан ўтишга келган ҳарбий хизматга чақирилувчи ёшлар билан ҳам мулоқот қилган туман ҳокими уларнинг келгуси ҳаётларида зарур бўлган фикр-таклиф ҳамда тавсияларини берди.
Тадқиқотларга қараганда, ҳар бир бола ўзига хос қобилият билан туғилар экан. Қобилиятнинг шаклланиши эса кўп жиҳатдан уни ўраб турган муҳитга, бола билан шуғулланишга боғлиқ. Қобилият эгасини тўғри йўлга солиш, уни ривожлантиришда, интеллектуал қобилиятларнинг ўзига хос равишда қарор топиши учун уни меҳнат қилишга ўргатиш зарур.
Косонсой тумани марказидаги "Loko" кафесида "Озод" маҳалласининг ёшлар етакчиси ташаббуси билан маҳалла ёшлари ўртасида шеърхонлик мусобақаси ўтказилди.
Мусобақада маҳалла ёшлари ўзлари ёд олган, ижод қилган намуналардан сўз олиб, ижодкорларни ром этишди.
Тадбир якунида фаол иштирок этган ва ғолиб бўлган ёшларга ажойиб совғалар тақдим этилди.
- Бош мақсадимиз ёшларнинг интеллектуал ва ижодий салоҳиятларини юксалтириш орқали уларни бугунги кунга муносиб ёшлар қилиб тарбиялаш, - дейди маҳалла ёшлар етакчиси.
Наманган вилояти ҳокими Шавкатжон Абдураззоқов бошчилигидаги делегациянинг Хитой халқ республикасига амалий ташрифи доирасида учрашув ва мулоқотлар давом этяпти.
Делегация Гуанчжоудаги энг катта эркин иқтисодий зонасида бўлди. Тўқимачилик ва бошқа саноат корхоналари фаолияти билан яқиндан танишилиб, ҳамкорлик меморандумлари имзоланяпди.