Сўнгги янгиликлар
Янгиликлар
Ҳозирги замонавий жамиятда миллий кийимларнинг таълим жараёнидаги роли алоҳида аҳамиятга эга бўлиб бормоқда. Хусусан, Косонсой туманидаги таълим муассасаларидаги ўғил-қизларнинг ушбу либосларда дарслардаги иштироки нафақат маданиятга ҳурмат билан ёндашишга, балки миллий ғурурни оширишга ҳам хизмат қилмоқда.
Косонсой туманининг "Равот" маҳалласида жойлашган 22-сонли умумтаълим мактабида миллий қадриятларимизга ҳурмат, уларни тарғиб этиш мақсадида ҳафтанинг ҳар жума кунида “Миллий либос - қадриятлар кўрки” ҳафталиги ўтказилмоқда.
Бу каби ташаббуслар ёшларимизда ўзимизнинг миллий либосларимизга бўлган ҳурмат туйғуларини янада юксалтириб, ўқувчи ёшларни миллий қадриятларга муҳаббат ва эътиборини ошириб ватанпарварлик туйғуларини ривожлантиришга муносиб ҳисса қўшади.
Косонсой тумани ҳокимлиги Ахборот хизмати.
Косонсой туманида жойлашган Миллий маданият марказида туманда фаолият олиб бораётган тиббиёт ходимлари иштирокида "Жаҳолатга қарши маърифат" мавзусида тадбир ўтказилди.
Тадбирда иштирок этган вилоят ҳокимининг ўринбосари Ж.Хатамов ўз нутқи давомида, турли оқимларнинг миллий ўзлигимиз, миллий қадриятларимизга зид бўлган бидъатлари таъсиридан сақланиш, ҳаёт тарзида, кийинишда, юриш-туришда, ибодатда бузғунчи ёт ғояларга учмаслик, жамият равнақи учун фойдали бўлган дунёвий илмларни ўрганишнинг Исломдаги талқини, тинчлик ва омонликнинг қадрини ҳис этиш, бугунги тинч ва осуда ҳаётга шукр қилиш каби масалаларга тўхталиб ўтди.
Учрашувда иштирокчилар ўзларини қизиқтирган саволларига жавоб олдилар, мулоқот чоғида кўтарилган масалалар юзасидан ўз фикр-мулоҳазаларини билдирдилар.
Кенгаш раиси Дилмурод Қодиров олиб борган сессия ишида халқ депутатлари Косонсой тумани Кенгаши депутатлари, сектор раҳбарлари, туман ҳокимининг ўринбосарлари, корхона, ташкилот ва муассасалар раҳбарлари иштирок этдилар.
Сессия ишида 2025 йилда Косонсой туманини комплекс ижтимоий-иқтисодий ривожлантириш дастури ҳамда Ўзбекистон Республикаси Президенти Ш.М.Мирзиёев раҳбарлигида 2021 йил 23 июль куни “Аҳоли мурожаатлари билан ишлаш тизимини мутлақо янгича ташкил қилиш чора-тадбирлари тўғрисида”ги 38-сонли баёни ижросини таъминлаш юзасидан Косонсой туман ҳокими Д.Қодировнинг ҳисоботи тингланди.
Шунингдек, сессия ишида Халқ депутатлари Косонсой туман Кенгаши ҳузуридаги “Халқпарвар” жамоатчилик комиссиясини ташкил этиш тўғрисида Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси Ж.Абдуллаевнинг ахбороти тингланиб, муҳокама этилди.
Сессияда ҳудудларни ривожлантириш, одамларнинг бугунидан рози бўлиб яшашларига эришиш учун амалга оширилиши лозим бўлган долзарб вазифалар белгилаб берилди.
Сессия ишида Халқ депутатлари Косонсой тумани Кенгашининг тегишли қарорлари қабул қилинди.
Косонсой тумани мактабгача ва мактаб таълими бўлимига қарашли 5-сонли умумтаълим мактабининг бошланғич синф ўқитувчиси Ҳусаинова Дилнора Рустамовна “Бошланғич синфлар билан ишлашнинг замонавий тeхнологиялари” мавзусида олиб борган илмий лойиҳалар учун Мустақил Давлатлар Ҳамдўстлиги (МДҲ) миқёсида ташкил этилган халқаро илмий конференцияда "Фидойи хизматлари учун" кўкрак нишони билан тақдирланди.
Бундай шарафли ютуқлар таълим вакилларини ўз касбига сидқидилдан, катта масъулият билан хизмат қилишга даъват этади. Шу ўринда Дилнора Ҳусаиновани ушбу ютуқлари билан туман ҳокимлиги ҳамда мактабгача ва мактаб таълими бўлими номидан самимий табриклаб, келгуси фаолиятида улкан марраларни забт этишини тилаб қоламиз.
Aholini roʻyxatga olish belgilangan aniq paytda (aholini roʻyxatga olish sanasi) oʻtkaziladi. Respondentlarning shaxsga doir maʼlumotlarini yigʻishda roʻyxatga olish sanasidan keyin sodir boʻlgan demografik holatlar hisobga olinmaydi. Bunda vafot etgan shaxs toʻgʻrisidagi maʼlumotlar uning voyaga yetgan, muomala layoqatiga ega oila aʼzolari yoki fuqarolarning oʻzini-oʻzi boshqarish organlaridagi mavjud maʼlumotlar asosida toʻldiriladi.
Aholini roʻyxatga olish jarayonlarida shaxsga doir maʼlumotlarni yigʻish:
axborot-kommunikatsiya texnologiyalaridan keng foydalangan (Internet jahon axborot tarmogʻi orqali va planshet qurilmalari yordamida) hamda axborot xavfsizligi talablarini taʼminlagan holda amalga oshiriladi;
respondentlar yashaydigan (vaqtincha boʻlib turgan) turar joy va noturar joylarga, binolarga tashrif buyurgan holda uyma-uy yurib soʻrov oʻtkazish orqali amalga oshiriladi. Roʻyxatga olish varagʻi shakllari roʻyxatga oluvchi xodimlar tomonidan planshet qurilmalari yordamida respondentlarning soʻzlari asosida toʻldiriladi;
aholini roʻyxatga olishni oʻtkazish davrida yashash (turgan) joyida hozir boʻlmagan yoki voyaga yetmagan shaxslar (respondentlar) toʻgʻrisidagi shaxsga doir maʼlumotlar mazkur uy xoʻjaligining voyaga yetgan aʼzolari tomonidan maʼlum qilinadi. Oʻziga nisbatan vasiylik yoki homiylik belgilangan shaxslar toʻgʻrisidagi shaxsga doir maʼlumotlar ularning vasiylari yoxud homiylari tomonidan maʼlum qilinadi