Сўнгги янгиликлар
Янгиликлар
18 январь куни хусусий авиакомпания — «Centrum Air»нинг иккита самолёти «Тошкент» халқаро аэропортига келиб қўнди. Airbus A320-232 компаниянинг биринчи йўловчи самолётлари бўлди.
«Centrum Air» ўзини лоукостер сифатида таништирган бўлиб, арзон ички ва ташқи ташувларни амалга ошириш ҳамда рақобатбардош сифатга эришишни мақсад қилган.
«My Freighter» хусусий юк компанияси томонидан ташкил қилинган авиаташувчи яқин келажакда яна бир йўловчи борти — Boeing 737 ни сотиб олишни режалаштирган.
Вилоят ҳокими раҳбарлигида Наманган вилоятида қиш мавсумини беталофат ўтказиш бўйича кунлик штабнинг кенгайтирилган йиғилишида вазиятни қатъий назоратга олиш, муаммоларни тезкорлик билан ҳал этиш, аҳолига енгиллик яратиш мақсадида ижтимоий ҳимояга муҳтож, эҳтиёжманд оилаларга кўмир тарқатиш топшириғи берилган эди.
Бугун Косонсой туманида 410 та эҳтиёжманд оила рўйхати шакллантирилиб, 123 тонна кўмир тарқатилди. Ҳар бир оилага ўртача 300 кг.дан кўмир “Саховат ва кўмак” жамғармасидан бепул етказиб берилди.
Кўмирни хонадонларга етказилиши ва тизимли иш ташкил этилиши туман ҳокимлиги, сектор раҳбарлари, туман молия бўлими ҳамда маҳалла ва нуронийларни қўллаб-қувватлаш бўлими масъуллари томонидан назоратга олинган. Маҳалла раислари ҳамда ҳоким ёрдамчилари кўмагида ҳар бир оилага ўртача 300 килограммдан кўмир тарқатилди.
Prezident huzuridagi Davlat boshqaruvi akademiyasi hamda Singapur Milliy universiteti tizimidagi Li Kuan Yu Davlat siyosati maktabi, shuningdek, Singapur Davlat xizmati kolleji bilan hamkorlik aloqalari o‘rnatilmoqda.
Dastlabki kelishuvga ko‘ra, 2023-yil mobaynida 200 nafarga yaqin davlat xizmatchilari Singapurda davlat boshqaruvi, davlat siyosati, davlat xizmati, inson resurslarini boshqarish hamda xalqaro aloqalar va global muammolar yo‘nalishlarida malaka oshiradi va stajirovkadan o‘tadi.
Ma’lumot uchun: Li Kuan Yu nomidagi Davlat siyosati maktabi dunyodagi eng yuqori nufuzga ega bo‘lgan davlat boshqaruvi maktablaridan biri bo‘lib, Osiyo pragmatizmi va Gʻarb ta’limining eng ilg‘or yo‘nalishlarini o‘zida uyg‘unlashtirgan.
2004-yilda tashkil etilganidan buyon butun dunyo bo‘ylab 3 500 dan ortiq lider bitiruvchilarni tayyorlab bergan.
Қонунчиликка кўра, фуқаролар жамғариб бориладиган пенсия тўловларини давлат пенсиясига бўлган ҳуқуқ (умумий асосда аёллар 55 ёшга, эркаклар 60 ёшга тўлганда) юзага келган тақдирда олишлари мумкин.
Фуқаро вафот этган тақдирда, шахсий жамғариб бориладиган пенсия ҳисобварағида жамғарилган маблағлар меросга ўтади ва меросхўрга бир йўла тўла ҳажмда тўланади.
Фуқаро Ўзбекистон ҳудудидан ташқарига доимий яшашга чиқиб кетаётган бўлса, шахсий жамғариб бориладиган пенсия ҳисобварағида жамғарилган маблағлар бир йўла тўла ҳажмда тўланади.
Ўзбекистон Республикаси Президентининг 2021 йил 9 декабрдаги 33-сонли Фармонига мувофиқ бозор тамойилларига асосода ипотека кридетлари орқали уй-жой олишда дастлабки бадал учун 32 миллион сўм субсидия берилади.
☑️ Қонунчиликка кўра:
▫️— даромади юқори бўлмаган ва уй-жой шароитларини яхшилашга муҳтож фуқароларга ипотека кредити бўйича субсидияларни тўлашда квартира майдонининг энг кўп меъёрини белгилаш амалиёти бекор қилинган;
▫️— дастлабки бадалнинг бир қисмини қоплаш учун субсидиялар – қатъий белгиланган 32 миллион сўм миқдорида, фоиз тўловларининг бир қисмини қоплаш учун субсидиялар – биринчи 5 йил давомида 10 фоиздан ошган қисмига тўланади;
▫️— субсидиялар сотиб олинаётган квартиранинг нархи ипотека кредитининг энг кўп миқдоридан ошган тақдирда ҳам тўланади. Бунда, квартиранинг нархи ипотека кредитининг энг кўп миқдоридан ошган тақдирда, қийматнинг қолган қисми қарз олувчи томонидан ўз маблағлари ҳисобидан тўланади;
▫️— фуқароларга ипотека кредитини олишда, биргаликда қарз олувчи сифатида улар билан бирга яшамаётган ва яқин қариндоши бўлмаган бошқа шахсларни ҳам жалб қилиш ҳуқуқига эга.