Шу кунларда сектор раҳбарлари томонидан маҳалла фуқаролар йиғинларида аҳоли иштирокида жиноятчилик ҳолатларига барҳам бериш, содир этилганлари бўйича муҳокама йиғилишлари ўтказиб бориляпти. Чунки ривожланаётган мамлакатимизда қонунбузарлик ва ҳуқуқбузарликка барҳам бериш устувор вазифалардан бирига айланган.
Косонсой тумани ҳокими Дилмурод Қодиров “Қорасув” маҳалласида ўғирлик ҳамда безорилик жиноятларини содир этган шахслар қилмиши юзасидан муҳокамада иштирок этди.
Мулоқот давомида фуқаролар ҳамиша огоҳликда яшашлари, ҳар бир жараённи одиллик билан кузатишлари, маҳалла, қўни-қўшни бир бўлиб, ёшлар тарбиясига эътибор қаратишларигина обод ва хавфсиз маҳалла тамойили борасида кўзланган натижага эришиш мумкинлиги таъкидлаб ўтилди